Ұлы Отан соғысынындағы Жеңістің 80 жылдығы мерекесі облыста кеңінен аталып өтуде. Осыған орай бүгін Жамбыл облысында бірқатар шаралар өткізілді.
Атап айтқанда, Тараз қаласы «Келешек-Тараз» ғылыми-интеллектуалды мектеп-лицейінде Ш. Уәлиханов атындағы Жамбыл облыстық әмбебап ғылыми кітапханасының ұйымдастыруымен Жеңістің 80 жылдығына және Кеңес Одағының Батыры, жазушы Б. Момышұлының 115 жылдығына орай «Тау тұлға, дара тұлға – Бауыржан» атты жылжымалы кітап көрмесі өтті.
Көрме барысында Б.Момышұлының өмірі мен шығармашылығы, Ұлы Отан соғысы тақырыбына жазған әңгімелері және Бауыржан Момышұлы жайлы жазған естеліктерден құралған 5 стеллаж кітап көрмесі жасақталды.
– Биыл Ұлы Отан соғысындағы Жеңіске 80 жыл толып отыр. Бұл күн бізге қаһарман жауынгерлердің ерлігі және тыл еңбеккерлерінің ерен еңбегінің арқасында келді. Біздің облыстан 100 мыңнан астам адам майдан даласына аттанған. Біз А. Сухамбаев, С. Шәкіров, Б. Момышұлы, Ы. Сүлейменов сияқты батыр бабаларымыздың ерлігін ешқашан ұмытпаймыз. Бүгінгі іс-шарамыздың мақсаты да – осы, – деді көрме жетекшісі Ш. Көшенова.
Сонымен қатар тараздық жастар Ауған соғысы ардагерлерінің ауласына тазалық жұмыстарын жүргізсе, Талас ауданында Ауған соғысы ардагерлерімен кездесу ұйымдастырылды.
Айта кетейік, бүгінде облыс бойынша 6 соғыс ардегері және 1 447 тыл еңбеккерлері бар. Барлық соғыс ардагерлеріне 5 миллион теңге көлемінде бірреттік қаржылай әлеуметтік төлем төленді.
