Жамбыл облысының әкімі Бердібек Сапарбаев @saparbayev_bm жаппай тәртіпсіздік кезінде бүлінген ғимараттарды аралап, жай-күйімен танысты.

📍Бүлік кезінде Тараз қаласындағы 6 мемлекеттік ғимарат, нақты айтқанда облыс әкімінің аппараты, «Nur Otan» партиясының облыстық филиалы, полиция департаменті, қалалық 3 полиция бөлімінің нысандары зардап шеккен. Сондай-ақ, Шу ауданындағы «Nur Otan» партия филиалы да қираған.

✅ Аймақ басшысы нысандардың қалпына келтіру жұмыстарын жедел әрі сапалы жүргізіп, барлық құрылыстарды ақпан айының соңына дейін аяқтауды тапсырды. Жауапты тұлғаларға жұмыс барысын бақылауда ұстауды, жұмысшылардың төтенше жағдай және коменданттық сағат кезінде жүріп-тұруын қамтамасыз етуді жүктеді.