Қазақстан Республикасы тәуелсіздігінің 30 жылдығына арналған Халық қаһарманы Қайрат Рысқұлбеков атындағы дәстүрлі 22-ші республикалық ашық таеквондо (WT) турнирі Шу қаласында өтті. Елдің түкпір-түкпірінен 1300 -ден астам спортшы қатысқан бұл ауқымды шарада Жамбыл облысының командасы жалпыкомандалық есепте 2-орын алып, жарқын жеңіске қол жеткізді. Бұл табыстың артында білікті жаттықтырушы әрі кәсіби төреші Сатенов Досжанның еңбегі тұр.
Кәсіби төрешілік және жетекшілік шеберлігі
Сатенов Досжан – республикалық деңгейде танылған халықаралық дәрежедегі кәсіби төреші. Ол өзінің әділдігімен және шебер төрелік етуімен танылған маман. Осы жолғы Шу қаласындағы турнирде де ол жоғары деңгейде төрелік жасап, ұйымдастырушылар мен қатысушылардың ризашылығына бөленді. Жарыс барысында ол төрешілік қызметін абыроймен атқарды. Оның әділдігі мен кәсіби көзқарасы жарыстың ашық әрі әділетті өтуіне ықпал етті. Ол өзінің төрешілік тәжірибесі арқылы жарыс ережелерінің қатаң сақталуын қамтамасыз етіп, қатысушылардың сенімін арттырды.
Білікті бапкердің бұл жетістігі тек оның жеке еңбегі емес, сондай-ақ жалпы өңірдегі спорт саласының дамуының бір көрсеткіші. Оның шәкірттері халықаралық деңгейде де жоғары нәтижелерге қол жеткізетініне сенім мол.
Жоғарыда айтылған айтулы жарысқа Жамбыл облысынан 10 спортшыны дайындап, олардың толық дайындықпен өнер көрсетуін қамтамасыз етті. Спортшылардың барлығы жүлделі орындарға ие болып, өңірдің таеквондо спортының әлеуетін тағы бір мәрте дәлелдеді.
Атап айтқанда, алтын медальмен:
Ниесбек Бейбарыс (10-11 жас, 30 кг)
Қонысбаева Ұлдана (12-14 жас, 59 кг)
Құттыбек Нұрмұрат (12-14 жас, 53 кг)
Момучоглы Ливан (12-14 жас, 37 кг)
Ербосын Нұрислам (10-11 жас, 34 кг)
Өнербек Дінмұхаммед (10-11 жас, 32 кг)
Күміс жүлдегерлер:
Шыңғысбай Нұрай (12-14 жас, 59 кг)
Сарымамедоглы Мұстафа (10-11 жас, 32 кг)
Бешлиоглы Рамазан (16-17 жас, 48 кг)
Қола жүлдегер:
Құттыбек Нұрислам (12-14 жас)
Бұл жетістіктер – спортшылардың еңбекқорлығы мен олардың жаттықтырушысы Сатенов Досжанның шебер жетекшілігінің нәтижесі. Еңбектің танылуы және марапат Сатенов Досжанның еңбегі жарыс барысында ерекше бағаланды. Әділ төрелік еткені және шәкірттерінің жоғары нәтижелерге жетуіне ықпал еткені үшін ол ұйымдастырушылар тарапынан арнайы марапатқа ие болды. Бұл марапат – оның спорттағы жоғары кәсібилігі мен жауапкершілігінің айқын дәлелі.
Жамбыл спортының болашағы
Сатенов Досжан – Жамбыл облысындағы таеквондо спортының дамуына үлес қосып жүрген жетекші тұлға. Оның қажырлы еңбегі жас спортшылардың шеберлігін шыңдап, жаңа жеңістерге жетелеп келеді. Шу қаласындағы бұл жетістіктер – оның жаттықтырушылық және төрешілік шеберлігінің жарқын көрінісі.
Алдағы уақытта Сатенов Досжанның шәкірттері бұдан да биік белестерді бағындырып, Қазақстанның спорттық беделін арттыра беретініне сенім мол.
Мұратхан ӘЛІМХАН,
журналист
