Бүгінде облыс бойынша 2 353 спорт нысаны жұмыс атқаруда. Атап айтқанда 1 спорт сарайы, 17 стадион, 61 спорт кешені, 419 футбол алаңы, 1 832 спорт алаңшасы және 23 басқа да нысандар. Сонымен қатар 773 спорт залы бар. Аталған спорт нысандары облыс тұрғындары үшін толығымен қолжетімді.
2025 жылы облыста 14 спорт кешеннің құрылысын жүргізу жоспарлануда. Оның ішінде 2024 жылдан өтпелі 6 спорт кешені және жаңадан 8 спорт кешенінің құрылысы. Сонымен қатар, «Қазақстан халқына» қоғамдық қоры тарапынан 3 спорт кешені салынуда.
Бүгінгі күнге, Қордай ауданы Қарасай ауылындағы спорт кешені қолданысқа берілді. Жыл соңына дейін 5 жобаның құрылыс жұмыстары аяқталып, қолданысқа беру көзделуде. Ал қалған 8 спорт нысаны 2026 жылға өтпелі.
Облыс көлемінде басқармаға қарасты 56 спорт мекемесі бар. Мемлекеттік спорттық тапсырысты іске асыруға 2025 жылы облыстық бюджеттен 1,3 млрд. теңге бөлініп, 81 өнім беруші 17 спорт түрі бойынша 5 пен 17 жас аралығындағы 6 021 балалар мен жасөспірімдерді спорттық секциялармен тегін негізде қамтуда.
2025 жылдың І тоқсаны бойынша облыс бойынша 985 спорттық іс-шара ұйымдастырылып, 109 мыңнан астам адам қамтылды. Облыста жүйелі түрде спортпен шұғылданушылар қатары 504,9 мың адамға немесе облыс тұрғындарының 41,3 пайызға жетті.
Бүгінде бұқаралық спорттың дамуына тың серпін беру, облыс тұрғындарын дене шынықтыру және спортпен жүйелі айналысуға тарту мақсатында облыста 285 спорт нұсқаушы жұмыс атқаруда.
Басқармаға бағынысты спорт мекемелерінде 29 872 спортшымен тұрақты түрде 1 195 жаттықтырушы жұмыс жүргізуде.
Қазіргі таңда облыста спорттың 85 түрі қамтылған. Облыста халықтың спорттық инфрақұрылыммен қамтамасыз етілу деңгейі 68,4 пайызды құрайды.
Жамбыл облысы әкімдігінің дене шынықтыру және спорт басқармасы
