Қазақстан Республикасы Туризм және спорт министрлігі республикалық деңгейде 46 басым спорт түрін бекітті. Осы тізім негізінде Жамбыл облысының дене шынықтыру және спорт басқармасы 31 басым спорт түрін анықтады.
Бекітілген тізімге мыналар кірді:
• Олимпиадалық спорт түрлері — 9
• паралимпиадалық спорт түрі — 2
• Ұлттық спорт түрлері — 12
• Сурдлимпиадалық спорт түрлері — 6
• Азия және Параазия ойындарының бағдарламасына енген спорт түрлері — 2.
Уәкілетті орган бекіткен 31 басым спорт түрімен қатар, жоғары жетістіктерге бағытталған басқа спорт түрлері де дамытыла береді.
Өңірлік тізбені қалыптастыру кезінде климаттық ерекшеліктер, инфрақұрылымдық және материалдық-техникалық мүмкіндіктер, спорт мектептері мен резервтерінің болуы, спорттық дәстүрлер, сондай-ақ жергілікті спортшылардың халықаралық деңгейде көрсеткен нәтижелері ескерілді. Бұл тәсіл күш-жігерді кешенді жарыстарға (Олимпиада, Паралимпиада, Сурдлимпиада, Азия және Параазия ойындары) дайындыққа шоғырландыруға, өңірдің нақты мүмкіндіктеріне сәйкес спортты дамытудың ашық жүйесін қамтамасыз етуге, кадрлық және жасөспірімдер резервін нығайтуға, сондай-ақ спорт нысандарын жүйелі түрде қолдауға мүмкіндік береді. Өңірлік тізбе Қазақстан Республикасы Туризм және спорт министрлігі бекіткен республикалық деңгейдегі басым 46 спорт түрінің тізбесіне сәйкес жасалды.
Басым спорт түрлерінің тізіміне кірмеген спорт түрлеріне де көңіл бөлініп, жан-жақты қолдау көрсетілетін болады.
Басым спорт түрлерінің өңірлік тізбелерін қалыптастыру — «Дене шынықтыру және спорт туралы» жаңартылған Заңы шеңберінде Туризм және спорт министрлігі іске асыратын кешенді реформаның бір бөлігі.
Реформа саланы басқарудың тиімділігін арттыруға, жоғары жетістіктер спортын дамытуға, кадрлық және материалдық әлеуетті нығайтуға және спортшыларды даярлаудың заманауи жүйесін қалыптастыруға бағытталған.
