✳️«Нұрлы жер» мемлекеттік бағдарламасы аясында Жамбыл облысында жалпы ауданы 313,8 мың шаршы метрді құрайтын 76 көпқабатты үйдің құрылыс жұмыстары жүргізілді. Оның 39-ы жалға берілетін болса, 37-сі кредиттік. Бүгінде өңірде коммуналдық тұрғын үй қорынан пәтер алу кезегіне 35 118 адам тіркелген.
✅Бұл туралы ӨКҚ баспасөз алаңында облыс әкімдігі құрылыс басқармасы басшысының орынбасары Әлібек Аманбай айтты. Кезектегі тұрған азаматтарды баспанамен қамтамасыз ету мақсатында былтыр 2 241 пәтерлі 41 көпқабатты үй ұсынылған. Сонымен қатар, «Нұрлы жер» мемлекеттік бағдарламасымен әлеуметтік аз қамтылған және көпбалалы отбасыларға 94 пәтер сатып алыныпты.
©️©️©️
«Аймақта өткен жылы жекеменшік инвестиция есебінен 5 компания 656 пәтерлі 9 көп қабатты үйдің құрылысын жүргізіп, 115 пәтерден тұратын 3 тұрғын үйді аяқтады. Сондай-ақ жаңа үлгідегі 8 «Таун хаус» жеке үйлерінің құрылысы жүріп, 47 пәтерден тұратын 6 үй пайдалануға берді. «7-20-25» бағдарлама шеңберінде 1,5 млрд теңгеге 158-і несие рәсімделсе, «Отбасы Банк» АҚ арқылы 1 257 адам 10,8 млрд теңге несие рәсімдеп, баспаналы болған», — деді басқарма басшысының орынбасары.
🔻Әлібек Аманбайұлы өткен жылы облыс аумағында «Асар» жобасы басталғанын еске салды. Асарлатқан ағайынның көмегімен 2020 жылы 99 тұрғын үй, 2021 жылы 134 үй табысталып, мұқтаж отбасылар үймен қамтылған.
©️
Өңірлік коммуникациялар қызметі
