ЖАМБЫЛДА «БАСТАУ БИЗНЕС» ЖОБАСЫ АЯСЫНДА 2 268 ЖАС ҚАЙТАРЫМСЫЗ ГРАНТ АЛДЫ
🔷Жамбыл облысында жастар арасындағы жұмыссыздық деңгейін төмендетуге және оларды әлеуметтендіруге басымдық берілген. Жыл басынан бері 19 180 жас жұмыспен қамтудың белсенді шараларына тартылды. Ал жұмыссыз, оқымайтын жастардың үлесі өткен жылдың сәйкес кезеңімен салыстырғанда 7,2 пайыздан 6,5 пайызға төмендеді. Сондай-ақ, электронды дерекқоры жасақталып, адрестік жұмыстар жүргізілді.
✅Бұл туралы ӨКҚ баспасөз брифингінде жергілікті әкімдіктің жастар саясаты мәселелері басқармасының басшысы Серікбол Берікқожа айтты. Жекелеген жұмыс барысында аталған санаттағы 3 883 жастың жаз мезгілінде маусымдық жұмыстар істеп, күн көріс жасайтыны, яғни өзін-өзі жұмыспен қамтығандары анықталған. Жастарға мемлекеттік бағдарламаларды түсіндіру мақсатында кеңес беру автокеруені аудандарға, шалғай ауылдық жерлерге шығады. Керуенге облыстық деңгейдегі 22 мемлекеттік және мемлекеттік емес органдар өкілдері қамтылуда.
©©©
«Биыл еңбек жасақтары өз жұмысын көрсетілген межеден артық орындады. Жергілікті бюджет есебінен бөлінген 54,5 млн теңге қаржыға 1 010 жұмыссыз, NEET санатындағы жастар маусымдық жұмыстарға тартылып, азын-аулақ табыс тапты. Жастардың демалысын тиімді өткізу үшін сарбаздар арасында спорттық ойындар, өнер байқаулары ұйымдастырылды. Олардың кәсіпкерлік әлеуетін шыңдауға тиісінше мән берілді. «Бастау бизнес» жобасы аясында 1 648 жас оқытудан өтіп, 2 268-і қайтарымсыз грант алып, 303-і шағын несие алды», — деді Серікбол Қайратұлы.
Толығырақ төменгі сілтемеде⤵️
https://www.facebook.com/zhambyl.rsk/posts/926625161297989?__cft__[0]=AZU5_eAWUwzpjPu9tAkRJg0UlG7i0zb8D5kJyIIpCTLTwo1A4S7aw9_uhe3rkeqgHgA853lVDYqLPYAIHEo-dcpRX1OF74UnU9K__o4dPjAuqWGRotfcqIQfRhEczMmvh-NSJkSmTS45iAm7loVpQW1THJhwU9TZmsJGS1JI9mY0_Q&__tn__=%2CO%2CP-R
