Халықаралық обырға қарсы одақтың бастамасымен 4 ақпан – Дүниежүзілік обырға қарсы күрес күні болып бекітілген. Осыған байланысты 1-10 ақпан аралығында онкологиялық аурулардың алдын алу мен ерте анықтау туралы онкүндік өтуде.
Бұл туралы ӨКҚ баспасөз алаңында Жамбыл облыстық көп бейінді онкология және хирургия орталығы директорының міндетін атқарушы Гүлжан Тайтелі айтты. Ол аймақта 2021 жылы 7777 ауру қатерлі ісікпен есепте тұрғанын да жеткізді. Ал өткен жылы қатерлі ісік алғашқы рет анықталған аурулар саны – 1514. Мұның себебін қатерлі ісктің ерте сатысының көп анықталуымен байланыстырып отыр мамандар.
Өлім көрсеткішіне келсек, облыс бойынша былтыр 784 ауру қайтыс болып, өлім көрсеткіші 100 мың адамға шаққанда 68,3-ті құрады, 2020 жылы 768 адам қайтыс болып, өлім көрсеткіші 67,4-ті құраған. Көріп тұрғанымыздай, өлім көрсекіші аздап көтерілген. Себебі есепте тұрған аурулар көбейген», — деді Гүлжан Әбдіхалыққызы.
Спикер өткен жылы обыр ауруының үлес салмағы бойынша сүт безі қатерлі ісігі бірінші орынға шыққанын айтты. Екінші орында өкпенің, содан соң асқазанның қатерлі ісігі тұр. Тері, бауыр, жатыр, өңеш қатерлі ісіктері де көп.
Өңірлік коммуникациялар қызметі
