![]()
Жамбыл облысында эпидемиологиялық ахуал тұрақталып, коронавирус жұқтырған науқастарды қабылдайтын инфекциялық стационарлар жабылып жатыр. Қазіргі уақытта инфекциялық кереуеттер жүктемесі — 12 %-ды, реанимациядағы жүктеме — 17 %-ды құрап отыр.
Жамбыл облысында эпидемиологиялық ахуал тұрақталып, коронавирус жұқтырған науқастарды қабылдайтын инфекциялық стационарлар жабылып жатыр. Қазіргі уақытта инфекциялық кереуеттер жүктемесі — 12 %-ды, реанимациядағы жүктеме — 17 %-ды құрап отыр.
Өткен тәулікте 1 адамнан коронавирус инфекциясы анықталды және пневмонияның 1 жағдайы тіркелді. Олар вирустың симптомды түріне шалдыққан.
Қазір облыстағы инфекциялық стационарларда 50 адам ем қабылдап жатыр. Оның 12-і жансақтау бөлімінде.
Жамбыл облыстық фтизиопульмонология орталығы ағымдағы жылдың 10 наурызынан бастап коронавирустық инфекциясы бар науқастарға арналған 50 инфекциялық, оның ішінде 5 реанимациялық төсек орын жабылып, бұл мекеме халыққа шұғыл және жоспарлы көмек көрсете отырып, жоспарлы жұмыс кестесіне көшті.
Сондай-ақ, облыстық жұқпалы аурулар ауруханасының коронавирустық инфекциясы бар балаларға арналған 95 инфекциялық, оның ішінде 9 реанимациялық төсек орны қысқартылды.
Жамбыл облысы бойынша 623 181 адам вакцинаның екі компонентін де қабылдады. Сонымен бірге 230 207 адам ревакцинациядан өтті. Pfizer-ді 122 489 адам қабылдады, оның 107 542-сі жасөспірім. Жамбылдықтар үшін вакцинацияның 2-турына арналған Спутник V, QazCovid-in және Vero Сell Sinopharm екпелері, ревакцинация жасататындар үшін Vero Сell Sinopharm қолжетімді. Пфайзер вакцинасының 47 120 дозасы қалды.
Денсаулық сақтау басқармасының баспасөз қызметі
