Ішкі істер министрлігі Тергеу департаментінің Әскери-тергеу басқармасының мәліметінше, генерал-майор Қайдар Қарақұлов тергеу изоляторынан босатылды.
«Бас прокурордың көмекшісі қамауда ұстау түріндегі бұлтартпау шарасы қажеттілігінің болмауына байланысты Қарақұловты уақытқа ұстау изоляторынан босатты» делінген ресми хабарламада.
Кеше Жамбыл облысындағы қару-жарақ қоймасындағы жарылысқа қатысты «Оңтүстік» өңірлік қолбасшылығының бұрынғы қолбасшысы Қайдар Қарақұлов қамауға алынғанын хабарлаған болатынбыз.
Ол биыл 15 наурызда «Оңтүстік» өңірлік қолбасшылығы әскерлерінің қолбасшысы лауазымынан босатылған еді.
https://aikyn.kz/193056/zhambyldagy-zharylys-kamauga-alyngan-general-mayor-tergeu-izolyatorynan-bosatyldy/
