Жамбыл облысындағы жарылыс орнынан табылған мәйіт ҚР Төтенше жағдайлар министрлігінің қызметкерінікі екені анықталды.
Жамбыл облысындағы жарылыс орнынан табылған мәйіттің кім екендігі анықталды. Ол 3-МӨСБ қарауыл бастығы Заикин Сергей Владимирович болып шықты. Мәйітті марқұмның туыстары таныды. Осылайша Жамбыл облысындағы жарылыс кезінде қаза тапқандар саны он бес адамға жетті. Жоғалған тағы бір адамды іздестіру жұмыстары жалғасуда.
