ЖАМБЫЛ ОБЛЫСЫНЫҢ ЕКІ МЕМЛЕКЕТТІК ҚЫЗМЕТШІСІ «ЖЫЛДЫҢ ҮЗДІК МЕМЛЕКЕТТІК ҚЫЗМЕТШІ» БАЙҚАУЫНЫҢ ӨҢІРЛІК КЕЗЕҢІНЕН ӨТІП, РЕСПУБЛИКАЛЫҚ КЕЗЕҢГЕ ЖОЛДАМА АЛДЫ.
2022 жылы «Жылдың үздік мемлекеттік қызметшісі» Республикалық конкурсын ұйымдастыру және өткізудің Әдістемелік ұсыныстарында бекітілген талаптардан сүрінбей өткен 38 мемлекеттік қызметші арасынан өңірлік үздік мемлекеттік қызметшілер анықталды. Жамбыл облысы мемлекеттік қызметшілері арасындағы кандидаттарды іріктеу бойынша Қазақстан Республикасы Мемлекеттік қызмет істері Агенттігінің Жамбыл облысы бойынша департаментінің конкурстық комиссия мүшелерінің бағалауына сәйкес, «Патриотизм құндылықтарын дәріптеу» тақырыбында мотивациялық эссе мен кейстік тапсырмаға берілген бейне жауаптың қорытындылары бойынша және «Мемлекеттік басқаруды жетілдіру мен бюрократиясыздандыру» тақырыбындағы жобаларын қорғаудан ең көп бал жинаған екі мемлекеттік қызметші республикалық кезеңге жолдама алып, үздіктердің қатарына ілікті.
Олар:Сатымқұл Нұрболат Ақынғалиұлы — Қордай ауданы әкімі аппаратының басшысы.
Қадырбекова Меруерт Нышанбекқызы — Сарысу ауданы әкімдігінің мәдениет және тілдерді дамыту бөлімінің бас маманы.
Өңірлік деңгейдің жеңімпаздары атанған финалистер ІІ кезеңде «Мемлекеттік басқаруды жетілдіру мен бюрократиясыздандыру» тақырыбына бейне презентация жасап, Республикалық комиссияның сынынан өтетін болады.
Жеңімпаздарға сәттілік тілей отырып, қалған барша қатысушыларға алғысымызды білдіреміз!Қызметтегі абыройларыңыз биік болсын!!!
