Жамбылдық полицейлер 20 бірлік  қару, граната және түрлі калибрлі 360-тан астам патрон тапты

Жамбыл облысы Полиция департаментінің қызметкерлері жаппай тәртіпсіздік барысында ұрланған қарудың орналасқан жерін анықтау бойынша күн сайын іздестіру жұмыстарын жүргізуде.

 Жедел-іздестіру іс-шараларын жүргізу кезінде полиция қызметкерлері облыс орталығының аумағында 20 бірлік қару, 3 граната, патрондар, оқ-дәрі, полиция шлемдерін, тізе төсегіштер мен газтұтқыштар тауып тәркіледі.

 Қарудың ішінде үш «Калашников» автоматы, екі «Макаров» тапаншасы, «Сайга» маркалы мылтық, тегіс ұңғылы мылтықтар, револьвер, травматикалық тапанша, тегіс ұңғылы мылтықтың кесіндісін,  газды және жарық-шу гранаталарын, автомат пен тапаншадан жасалған қару магазині,  түрлі калибрлі 363 патрон болды. Қаруға сот-баллистикалық сараптамасы тағайындалды.

 Жамбыл облысының Полиция департаменті қарудың, оқ-дәрілердің, арнайы құралдардың орналасқан жері туралы хабарлаған немесе оларды полицияға өз еркімен тапсырған адам, егер басқа құқық бұзушылықтарға қатысы болмаса, қылмыстық және әкімшілік жауапкершілікке тартылмайтынын еске салады. Анонимділікке кепілдік беріледі.