Жамбылдық полицейлер бір тәулік ішінде 900-ге жуық жол қозғалысы  ережелерін бұзушылық дерегін  анықтады

Жамбыл облысының аумағында «Қауіпсіз жол»жедел- алдын алу іс-шарасы өткізілуде.

Полиция қызметкерлері жол қозғалысын қадағалауды күшейтті, республикалық маңызы бар автожолдарда рейдтік жұмыстарды облыстық патрульдік полиция батальонының қызметкерлері де жүргізуде.

Тәртіп сақшыларының назары Жол қозғалысы ережелерін  өрескел бұзушылықтарды: мас күйінде көлік жүргізу, жылдамдықты арттыру, қарсы қозғалыс  жолағына шығуға қатысты бұзушылықтарды  анықтауға бағытталған.

Іс-шараның бірінші күні  облыс аумағында 900-ге жуық әкімшілік құқық бұзушылық дерегі анықталды.

Мас күйінде көлік құралын жүргізгені үшін 2 жүргізуші әкімшілік жауапкершілікке тартылды, 49  жүргізуші  көлік басқару барысында  телефонмен сөйлесіп, 46  жүргізуші маневрлеу ережелерін бұзған.Бұл ретте 80 жүргізуші қауіпсіздік белдіктерін тақпаған, ал 12 автомобиль  көлік жолдарында апаттық жағдай  тудырған.

Сонымен қатар, тиісті құжаттарсыз көлік құралын басқарған 47 жүргізуші анықталды.

— Жедел- алдын алу іс-шарасы барысында полиция қызметкерлері Жуалы ауданының 36 жастағы тұрғынын ұстады. Тексеру барысында ер адамның 2021 жылғы желтоқсанда сот шешімімен 7 жыл мерзімге көлік құралын басқару құқығынан айырылғандығы анықталды. Алайда, соған қарамастан, ол тағы да көлік басқарған. Аталған дерекке қатысты  құқық бұзушыға ҚР ӘҚБтК-нің 612-бабының 3- бөлімі  бойынша әкімшілік хаттама толтырылды. Автокөлік арнайы тұраққа қойылды,-деп хабарлады Жамбыл облысының Полиция департаменті  Жергілікті полиция қызметі басқармасының бастығы полиция полковнигі Рахымберді Әшкеев.

Барлығы бір тәулік ішінде айыппұл тұрағына 25 бірлік көлік қойылып, оларды пайдалануға тыйым салынды.