Жамбыл облысының Полиция департаменті Есірткі қылмысына қарсы іс-қимыл басқармасының қызметкерлері Жамбыл политехникалық жоғары колледжінде «Жастар есірткіге қарсы!» тақырыбында дәріс өткізді.
Студенттерге есірткі заттарының зияны туралы бейнероликтер көрсетілді. Оларға есірткінің заңсыз айналымы саласындағы құқық бұзушылықтар үшін қылмыстық жауапкершіліктің күшейтілгені туралы айтылды.
Сондай-ақ, синтетикалық есірткілердің тез тәуелділік тудыратыны және ағзадан нашар шығарылатыны да ескертілді.
Тәртіп сақшылары мұғалімдер мен ата-аналарды балаларын осы тәуелділіктен қорғауға шақырды.
⁃ Есірткі дилерлері тұтынушыларды синтетикалық заттардың жаңа түрлерімен қызықтыруға тырысуда. Ал полиция қызметкерлерінің мұндай іс-шараларды өткізудегі басты мақсаты — балалар мен жасөспірімдерді іштей өздерін қорғауға қалыптастыру. Дәл осы жас санатының өкілдері есірткі сатушылардың әлеуетті нысаны болып табылады, — деп атап өтті Жамбыл облысының Полиция департаменті Есірткі қылмысына қарсы іс-қимыл басқармасының бастығы полиция полковнигі Асқар Жұмабеков.
Семинарға қатысушыларға
әлеуметтік желілерде, асфальтта, үйлердің қабырғаларында немесе кіреберістерде есірткі сататын сайттар жарнамасы бар граффити жазбалар анықталған жағдайда полиция бөліміне хабарлау туралы ескертілді.
