Бүгінгі күні Жамбыл облысы бойынша көлік құралдарына салынатын салық бойынша берешек 30 212 жеке тұлға бойынша 1 287 213 мың теңгені құрады.
Жамбыл облысының мемлекеттік кірістер органдары Полиция департаментінің қызметкерлерімен және жеке сот орындаушыларымен бірлесіп рейдтік іс-шаралар жүргізуде. Осылайша, биылғы жылдың басынан 115 рейдтік іс-шара өткізіліп, нәтижесінде 605 жеке тұлға 63,4 млн теңге төлеген. Бұл рейдтік іс-шаралар тұрақты түрде жүргізілетін болады. Көлік ақысын төлемеген жағдайда борышкерлердің көлігі «айыппұл тұрағына» қойылады.
2025 жылғы 21 мамырдан бастап күн сайын рейдтік іс-шаралар өткізіледі, рейдтік іс-шаралардың нәтижелері бойынша 92 жеке тұлға 6,5 млн. теңге сомасына төлем жүргізілді.
Көлік салығының сомасын kgd.gov.kz веб-порталындағы калькулятор арқылы және e-Salyq Azamat мобильді қосымшасында өздігінен есептеуге болады.
Көлік салығын бірнеше жолмен төлеуге болады. Олар:
egov.kz портал арқылы «салықтар және қаржы» бөлімінде (банк картасымен төлеу);
банктердің мобильді қосымшалары арқылы;
банк бөлімшелерінің кассасында;
«Қазпошта» бөлімшелері және post.kz сайты арқылы;
«Қазпошта» сайты арқылы.
Барлық жеке тұлғалардан көлік құралдары салығы бойынша берешегін төлеуді сұраймыз.
