Шу аудандық мәдениет үйінде 6 шілде – Астана күніне орай «Жарқырап, жайнай бер Алаштың Астанасы!» атты мерекелік шара өтті. Биыл еліміздің бас қаласына 25 жыл толып отыр. Осынау ширек ғасыр ішінде Астана ұлтымыздың рухын көтеріп, санамызға сергек сілкініс әкелді, дамудың даңғыл жолына түскеніне барлығымыз куәміз. Еңселі Елордамыздың көз сүйсіндірер келісті келбеті күн санап артып, қазіргі таңда ол әлем таныған, бейбітшілік пен берекенің орталығы саналатын ерекше қалаға айналды.
Абыройымыздың айғағы болған Астананың туған күніне орай өткен концертте аудан әкімінің орынбасары Нұрлан Жақсыбаев сөз сөйлеп, аудан тұрғындарын айтулы мерекемен құттықтады.
Сондай-ақ аталған шарада ауданымыздың күміс көмей әншілері мен мың бұралған бишілері әуезді әннен, ырғақты биден шашу шашып, жиналған қауымға мерекелік көңіл күй сыйлады.
