Жаңатас қаласында бокстан КСРО және Азия чемпионы, Халықаралық дәрежедегі спорт шебері Серік Өмірбековтың жүлдесіне арналған І-ші республикалық турнир өткен болатын. Жалпы, аталған жарыс осы уақытқа дейін облыс көлемінде ұйымдастырылған еді. Енді міне биылдан бастап, жарыстың ауқымы кеңейіп, жүлде үшін тартысқа түскен балғын боксшылар арасындағы бәсеке де қыза түскен.. Аталған бәсекеде аудандағы №31 және №32 балалар-жасөспірімдер спорт мектебінің талапты шәкірттері бақ сынап, аудан намысын қорғады. 2008-2009 жылы туылған жасөспірімдер арасындағы жарысқа жаттықтырушылар шаршы алаңға шығып, шеберлігін ұштап үлгерген шәкірттерге сенім артыпты. Аталған турнирде үздіктер қатарынан көрінген Еркебұлан Берікбай, Сағдат Әмір, Ерсұлтан Қалдыбекұлы, Ерасыл Сағынтай, Нұрдәулет Асқаров спорт шеберіне кандидат нормативін орындады. Ал, №32 балалар-жасөспірімдер спорт мектебінің жаттықтырушысы Жанғали Қарғабаев турнирдің үздік төрешісі атанды.
Талас ауданы әкімдігінің баспасөз қызметі