«Мемлекеттік секторға таланттарды іздеу және тарту» жобасын іске асыру мақсатында, Қазақстан Республикасы Мемлекеттік қызмет істері агенттігінің Төрағасымен мемлекеттік секторға таланттар пулын іздеу және қалыптастыру жөніндегі әдістемелік ұсынымдар бекітілген.
Кәсіби мемлекеттік аппарат құруға жұмылдыру, мемлекеттік қызметке кіруге ниет білдірген жастарды қайта даярлау және олардың біліктілігін арттыру арқылы мемлекеттік қызметке кадрлар дайындау сапасын көтеру, кадр әлеуетін пайдаланудың тиімділігін арттыру мақсатында Департаментпен «Жас мемлекеттік қызметшілер мектебі» жобасы жүргізілуде.
«Жас мемлекеттік қызметшілер мектебі» жобасы жастарды мемлекеттік қызметке шақыру, олардың кәсіби шеберліктерін, біліктіліктерін, шығармашылық қабілеттерін шыңдай отырып, мемлекеттік қызметтің оң имиджін көтеруге бағытталған жоба.
Сондай-ақ, «Жас мемлекеттік қызметшілер мектебі» жобасы аясында Департаментпен «Таланттар пулына» іріктеу жұмыстары жүргізіледі.
«Таланттар пулын» қалыптастырудың мақсаты – белсенді және талантты жастарды мемлекеттік қызметке тарту болып табылады.
Осы орайда, жас мемлекеттік қызметшілер мектебі жобасына қатысуға биыл Жамбыл облысы бойынша жоғары оқу орындарынан 45 түлек өтініш білдірген.
Олар жоба барысында мемлекеттік органдардан өндірістік практикадан өтті, белгіленген бағыттарына сәйкес эссе жазды.
Бүгінгі күнге жобаның эссе жазу кезеңінен сүрінбей өткен 18 қатысушы 40 академиялық сағат мөлшерінде оқыту бағдарламасына қатысты. Оқыту аясында жастар тиімді коммуникациялар құру, көшбасшылық, стратегиялық ойлау, өзін-өзі дамыту, бастамашылдық, әдеп нормалары мен қағидаттарын ұстану сынды құзыреттіліктер бойынша дағдыларды меңгереді.
Ағымдағы жылдың 23-27 ақпаны аралығында «Жас мемлекеттік қызмешілер мектебі» жобасының оқыту бағдарламаларынан сәтті қатысушылары команда құру, мемлекеттік басқару және мемлекеттік қызмет жүйесі, мемлекеттік қызметтегі негізгі қағидаттар мен құндылықтар, мансап жолымен өсуге мотивация, мемлекеттік қызметшілердің әдеп нормалары мен мінез-құлық қағидалары, жобалық менеджмент негіздері және т.б. тақырыптар бойынша тиісті сертификаттарға ие болды.
Сондай-ақ, алдағы уақытта заңнаманы білуге арналған тестілеуден және жеке қасиеттерін бағалаудан өтеді.
Жас мемлекеттік қызметшілер мектебін сәтті бітірген түлектер арасында ҚР заңнамаларын білуге арналған тестілеуден сәтті өткен Жас мемлекеттік қызметшілер мектебінің қатысушыларына «Таланттар пулына» қабылданғанын растайтын сертификат табыс етіледі.
Алдағы уақытта, білімді, озық жастардың мемлекеттік қызметке деген қызығушылығын арттыру және кәсіби мамандарды даярлауға бағытталған Жас мемлекеттік қызметшілер мектебі өз жұмысын жүйелі түрде жалғастыратын болады.
