Әр қызметтің өз тартымдылығы болатыны секілді, бүгінде мемлекетттік қызметке де қызығушылық артып келеді. Әсіресе, жастар тарапынан мемлекеттік аппаратта қызмет етуге талпыныс бары қуантады. Елбасы Н.Ә.Назарбаев ұсынған Ұлт жоспарындағы «Кәсіби мемлекеттік аппаратты қалыптастыру» бағытының меритократиялық ұстанымы, яғни, «төменнен-жоғарыға» өсу баспалдығының енгізілуі жастардың сенімін туғызғаны сөзсіз. Кез келген азамат өзінің іскерлік қабілетін, парасат-пайымын танытуы арқылы болашағын қалыптастырады. Ең бастысы, құлшыныс, туған елге, туған жерге қалтқысыз қызмет етуге шынайы ниет болуы қажет.
Осыған орай Тараздағы Жақсылық Үшкемпіров атындағы спорт кешенінде Қазақстан Республикасы Тәуелсіздігінің 30 жылдығына арналған жас мемлекеттік қызметшілер арасында облыс әкімдігінің жастар саясаты мәселелері басқармасының ұйымдастыруымен волейболдан «Облыс әкімінің Кубогы-2021» турнирі өтті.
Жарысқа аудандардан жинақталған 6 команда 40-тан астам жас мемлекеттік қызметші қатысты. Жарыс командалар арасындаайналмалы жүйе бойынша өтті, командалар жеңіске дейін, екі партиядан ойнады. Екі кезеңдегі шоттар 25 ұпайға дейін жүргізілді.
Ойынға қатысушы Дастан Мырзатай Жуалы командасының ойыншысы:
«Бүгінгі ойын өте тартысты өтті. Барлық командалар мұқият дайындалған. Осындай шиеленісті жарыста жеңіске жеткенімізге қуаныштымын.»
Бас төреші, Бізбаев Тимирхан, Тараз кәсіби волейбол клубы басшысының орынбасары, 1 дәрежелі төреші:
«Бүгінгі ойын жоғары деңгейде өтті. Жастардың дайындалғанын көруге болады. Жастар арасында салауатты өмір салтын насихаттау мақсатында іс-шаралар өткізуге ниеттіміз және облысымызда волейбол ойынының қарқынды даумына қуаныштымыз. Әуесқой ойыншылардың арасында волейболдан жарыстар жиі өткізіп тұруына ниеттіміз.»
«Биыл алғаш рет өтіп отырған Жамбыл облыс әкімінің кубогы турниріне 6 команда жинақталып ойын тартысты да қызықты өтті, алдағы уақытта волейболдан облыс әкімінің кубогі үшін турнирді дәстүрлі ауыспалы кубог етіп өткізу жоспарлануда — деп атап айтты «Жастар ресурстық орталығының» директоры Айбек Таутен.
Қатысушы командалар арасынан Шу ауданынан Бекходжа Жалғас үздік ойыншы номинациясымен және Жуалы ауданынан Нұрбеков Ербол турнирдің үздік шабуылшы номинациясымен марапатталды.
Жарыс қорытындысы бойынша орындар келесідей бөлінді:
1 орын «Жуалы»командасы;
2 орын «Сарысу»командасы;
3 орын «Т. Рысқұлов».
Жеңімпаз командалар кубокпен, грамоталармен, медальдармен марапатталды және демеушілердің қолдауымен ақшалай сыйақыларға ие болды,барлық командаларға ынталандыру сыйлықтары берілді.
