Павлодар облысы Қалқаман ауылында 14 жастағы жасөспірім он метрдей биіктен құлаған деп хабарлады turkystan.kz.
Зардап шегуші отоларингологиялық бөлімшеге жатқызылған.
«Науқас ауруханаға «бас миының жабық жарақаты, мидың шайқалуы, ығысумен төменгі жақ сүйегінің сынуы, оң жақтағы параорбитальды гематома» диагнозымен түсті. Сонымен қатар жасөспірімде сол жақ радиустың жабық эпифизиолизі (деструкция – шамамен ред.) бар. Дененің және аяқ-қолдың көгеруі мен сыдырылуы да байқалды», деп жазылған Павлодар облысы денсаулық сақтау басқармасының баспасөз қызметі таратқан хабарламада.
Науқасқа бірнеше ота жасалуы мүмкін.
«Бүгінде баланың жағдайы орташа ауыр. Ол қажетті ем алады, хирургиялық емдеу бірнеше кезеңде жоспарланады», делінген ақпаратта.
Еске салсақ, оқиға 9 сәуір күні кешке Қалқаман ауылындағы қараусыз қалған ғимараттың аумағында болған. 2008 жылы туған кәмелетке толмаған бала он метрдей биіктен құлап, бірнеше дене жарақатын алып, ауруханаға жеткізілді.
https://turkystan.kz/article/175937-petropavl-men-pavlodardyn-atyn-auystyrudy-13-mynnan-astam-adam-koldady/
