Маржан Арапбаева жас жігіттермен TikTok түсіріп, Instagram-ды шулатты. Оқырмандар жасына қарамастан, әншінің биге икемділігіне қайран қалып, жылы тілектерін жаудырды.
Арапбаева ел арасында кеңінен тараған хиттің орындаушылары «Меховая 8/1» тобының әншілерімен бірге түсірген биін көпшілікке паш етті.
«Мәссаған, Түркістанға келіп, қазіргі таңда бүкіл жерде хит болып жатқан «Ақ көйлек киген, көк көйлек киген» жігіттермен TikTok түсіріп кеттік қой аяқ асты», – деп жазба қалдырды өзі.
Желі қолданушылары 43 жастағы Арапбаеваның биге икемділігіне, қимылына тәнті болды.
«Керемет фигураңыз, биіңіз де ұрып тұр. Аман болыңыз», «Күшті. Жасыңыз 20-да деп кім айтады? Әрдайым 18-десіз», «От», «Уау», «Күшті билейсіз», «Мен де сіз секілді боламын», «Әр қылығы өзіне жарасымды» деп тілек білдірді олар.
