Балалар өнер мектебінің акт залында, аудан әкімінің орынбасары Серік Дадабаевтың төрағалық етуімен, Жамбыл облысы әкімдігі жастар саясаты мәселелері басқармасының басшысы Серікбол Берікқожаның қатысуымен жастар ісі жөніндегі кеңес отырысы өтті. Отырыста жастарды жұмыспен қамту және қылмыстың алдын-алу жұмыстары бойынша атқарылған жұмыстар туралы және Мемлекеттік жастар саясатының ауданда орындалуы жайында баяндалды. Облыстық жастар ресурстық орталығының директоры А.Таутен облыста жүргізілген зерделеу жұмыстарының қорытындысын баяндап, аудандық жастар ресурстық орталығына қажетті жағдай жасау мақсатында аудан әкіміне ұсыныс жасады. Өңірде Мемлекеттік жастар саясатын дамытудың 2021-2025 жылдарға арналған “Әулиеата жастары” бағдарламасын басқарма басшысы Серікбол Қайратұлы кеңес мүшелеріне таныстырып, жиынға қатысушылармен талқылады.
Бақдәулет АЛТЫНБЕКҰЛЫ,
«Жастар ресурстық орталығы» КММ-нің бөлім меңгерушісі.
Талас ауданы
