Жуалы аудандық «Жастар ресурстық орталығы» мекемесінің ұйымдастыруымен Күреңбел ауылдық округінің мәдениет үйінде Қазақстан Республикасының «Мемлекеттік жастар саясаты туралы» Заңын және «Әулиеата жастары» өңірлік бағдарламасын іске асыру аясында жастардың бос уақытын тиімді ұйымдастыру, ауданда жастар арасындағы жұмыссыздық деңгейін төмендету және жастарға мемлекеттік бағдарламаларды тереңінен түсіндіру мақсатында «Болашаққа бағдар» атты жастармен аудан тұрғындарына кеңес беру алаңы өткізілді.
Кеңес беру алаңын «Жастар ресурстық орталығы» мекемесінің директоры М.Телеушов, Халықты жұмыспен қамту» орталығы директорының орынбасары Н.Ануарбеков, Күреңбел ауылдық округінің әкімі Ғ.Жұбаев және Жамбыл облысы Жуалы ауданының қорғаныс істер бөлімінен М.Тоқсейіт ашып жастармен аудан тұрғындарына кеңес беру алаңында бөлімдер, мекемелерден келген мамандардан, өздеріне қажетті кеңестерді алуға болатынын жеткізді.
Ұйымдастырушылардың айтуынша, шараның мақсаты – түрлі санаттағы жастарды барынша қамтып, оларға қатысты мәселелерді жергілікті жерде кеңірек түсіндіріп, нақты нәтижеге бағытталған мәселелерін шешуді ұйымдастыру, облыс жастарының сыбайлас жемқорлыққа қарсы мінез-құлық үлгісін одан әрі дамыту мен жемқорлық мәселесін мемлекеттік қызмет көрсету сапасын арттыру арқылы шешу жолдарын түсіндіру, мемлекеттік органдар қызметінің ашықтығын жеткізу.
Сонымен қатар кеңес беру алаңына қатысушы жастарға көкейлерінде жүрген сауалдардың жауабын алып, керегінше мемлекеттік бағдарламаларға қатысып өз мүмкіндіктерін пайдаланудың қажеттігін айта кетті. Кеңес беру алаңында аудандық «Халықты жұмыспен қамту орталығы», Аудандық орталық аурухана, Қорғаныс істері жөніндегі бөлімі, «Атамекен» Ұлттық кәсіпкерлер палатасы, Жуалы ауданы білім бөлімі, Жер қатынастар бөлімі, Экономика және бюджетті жоспарлау бөлімі, ТКШ, ЖК және АЖ бөлімдерінен мамандар келіп жастардың және аудан тұрғындарының көкейінде жүрген сұрақтарына жауап берді. Кеңес беру алаңына NEET және пробация есебінде тұрған жастар да тартылды.
– Жалпы, осындай жастарға кеңес беру алаңдарының маңыздылығы оның жан-жақтылығында. Біріншіден, жастардың көп жағдайда өздерінің игілігі үшін қандай жобалар жүзеге асып жатқанын, қандай мемлекеттік бағдарламалар бар екенін танып-білуге, келіп көруге уақыты бола бермейді. Сол себепті осындай мобильді орталықтардан бір жас болса да өзіне керегін алып кетсе – кәдеге жарағаны. Шараның басты мақсаты – жастарға елдегі іске асып жатқан мемлекеттік бағдарламалар бойынша ақпарат беріп, жалпы олардың уақытын тиімді пайдалану бойынша жұмыс күнін дұрыс ұйымдастыру, – дейді «Жастар ресурстық орталығы» мекемесінің директоры М.Телеушов.
