Кез келген мемлекеттің болашағы білімді жастар. Бүгінгі жас – болашақ Қазақстанның жанды бейнесі. Сондықтан да жастар мәселесі қай кезде де күн тәртібінен түскен емес. Соңғы жылдары елімізде жастар саясаты – маңызды стратегиялық сипат алып келеді.
Осы орайда, бүгін Талас ауданы әкімінің орынбасары Айтолқын Абдибекованың төрағалығымен аудан әкімдігі жанындағы жастар ісі жөніндегі кеңес отырысы өтті.
Жиынға кеңес мүшелері толық құрамда қатысты. Отырыста ауданда жастар саясатының жүзеге асырылу, жастардың жұмыспен қамтылуы, жастар арасында қылмыс пен құқықбұзушылықтың алдын алу шаралары және жастардың бос уақытын тиімді пайдалану арқылы шығармашылыққа, өнерге баулу жайында сөз қозғалды.
Басқосудың күн тәртібіндегі негізгі мәселесі бойынша «Жамбыл облысында мемлекеттік жастар саясатын дамытудың 2021-2025 жылдарға арналған «Әулиеата жастары» бағдарламасының Тамды ауылдық округінде іске асырылу барысы туралы округ әкімі Рауан Асқаров баяндады.
Одан бөлек, аудан әкімдігінің жұмыспен қамту және әлеуметтік бағдарламалар бөлімі басшысының орынбасары Талғат Құрманбаев «Жастардың жұмыспен қамтылуы, жастар арасында жұмыссыздықтың деңгейі және жұмыссыз жастармен жүргізіліп жатқан жұмыстар» туралы есеп берді.
Өз кезегінде жастар арасында қылмыстық құқық бұзушылықтың алдын — алу және аталған бағытта атқарған жұмыстары туралы Талас аудандық полиция бөлімі басшысының бірінші орынбасары, полиция подполковнигі Оспанов Мұхамед-Рахим Оспанов баяндама жасады.
Аудан жастарының бос уақытын тиімді пайдалану мақсатында аудандағы мәдениет ошақтарына жастарды өнерге, шығармашылыққа тәрбиелеуге қолайлы жағдайлардың жасалуы туралы жүргізілген жұмыстар бойынша «Ұлбике ақын» атындағы мәдениет үйінің деректорның м.а Мырзамбетова Жанар Битамаевна есеп берді.
Кеңес мүшелері мен қатысушылар өз сауалдарын қойып, бірқатар ұсыныстар жасап өтті.
Талас ауданы
