“Жасыл аймақ” акциясы аясында ауданымызда ауқымды көгалдандыру жұмыстары жүргізіліп, 1000 түп ағаш отырғызылды.

Игі бастамаға мекеме қызметкерлері, жастар мен еріктілер белсенді қатысып, туған жердің табиғатын көркейтуге өз үлестерін қосты. Акцияның басты мақсаты – экологиялық мәдениетті қалыптастыру, қоршаған ортаны қорғау және болашақ ұрпаққа жасыл желекті аймақ қалдыру.

Отырғызылған көшеттер алдағы уақытта күтіп-бапталып, ауданымыздың көркін арттыра түсетіні сөзсіз. Табиғатты аялау – әрбір азаматтың ортақ міндеті.