Жастар арасында радикалды діни ағымдарға қарсы иммунитет қалыптастырып діни сауаттылық деңгейін арттыру мақсатында жұмыстар атқарылуда.
Тараз қалалық жастар ресурстық орталығымен «Жастар арасында радикалды діни ағымдарға қарсы иммунитет қалыптастыру, діни сауаттылық деңгейін арттыру, дәстүрлі рухани-адамгершілік құндылықтарды насихаттауға бағытталған іс-шаралар өткізу» тақырыбындағы мемлекеттік әлеуметтік жобасы аясында жастар арасында діни ағымдарға қарсы иммунитет қалыптастыру, діни сауаттылықты арттыру мақсатында іс-шаралар легі ұйымдастырылуда. Жоба аясында NEET жастармен, маргиналды және өзін-өзі жұмыспен қамтыған жастармен «Діни сауаттылық деңгейі», «Дін ғұламаларының мұрасы», «Діни ағымдар» тақырыптарында кездесулер, «Дін және жастар» тақырыбында жастар форумы өткізіліп, деструктивті діни ағымдағы 5 адаммен оңалту жұмыстары жүргізіуде. Іс-шараларға арнайы білікті маман ретінде Тараз қаласы «Құлбай баба» мешітінің имамы, дінтанушы Ембергенов Амангелді Назербайұлы, дінтанушы, магистр Аманбаев Ержан Маханұлы шақырылды. 5 деструктивті діни ағымдағы адамдармен оңалту жұмыстарын дінтанушы Ембергенов Амангелді Назербайұлы жүргізуде.
Сонымен қатар жоба аясында жастар арасында радикалды діни ағымдарға қарсы иммунитет қалыптастыру, діни сауаттылық деңгейін арттыруға бағытталған бейнеролик әзірленіп көрсетілімі ұйымдастырылды.
