Жат ағымнан сақтану жолдары

Байзақ ауданының наиб имамы Бақытбек Бауыржанұлы аймақ имам-молдаларымен кездесіп, «Жат ағымнан сақтану жолдары» тақырыбында семинар өткізді.
Семинар барысында Бақытбек Бауыржанұлы: «Жау жоқ деме, жар астында» демекші, жер бетінде қауып-қатер көбейіп тұрған кезде сақтанбауға және сақтандырмауға болмайды. Ел ішіне теріс пиғылды діни ағымдардың кіріп алғаны жасырын емес. Өзге ұстанымды уағыздайтын олар тұрғындарды ұлттық құндылықтарымыз бен болмысымыздан айыруды көздейді. Халқымыздың сан ғасырлық діни сеніміне, таным-түсінігіне, өнері мен салт-дәстүріне қайшы бұл індеттің Қатері соншалық, баласы шешесінің қолынан ас ішпейтін жастар пайда болуда. Ағымның жетегінде жүргендер қауіпті.
Ислам – бұл тыныштықты бұзу үшін емес, теріс пиғылды тыю үшін жіберілген тәрбие діні. Ата-бабаларымыз сан ғасыр дәстүрлі дінді өмірлеріне негізгі діңгек етіп ұстанып, ауызбіршілікпен бейбіт ғұмыр сүріп келді», – деді.