Британдық 36 жастағы Грейс Дэвидсон жатыр трансплантациясынан кейін бала туған алғашқы әйел атанды. Ол 2023 жылы өзінің сіңлісінен трансплантация алғаннан кейін, өмірінде алғаш рет ана болу бақытына ие болды.
Грейс Дэвидсон 19 жасында сирек кездесетін ауруға шалдығып, салдарынан жатырынан айырылған. Бірақ 2023 жылы оның сіңлісі өзінің жатырын ерікті түрде донорлық бағдарлама аясында Грейске трансплантациялаған. Грейс Дэвидсон емдеу курстарын өтіп, 2024 жылдың ақпанында кесарь тілігі арқылы қыз бала дүниеге әкелді. Қазір ана мен баланың жағдайы жақсы.
«Трансплантациялар әдетте өмірді сақтап қалу үшін жасалады. Бірақ бұл трансплантация арқылы біз өмірді жақсарттық, ал қазір өмірді құру мүмкіндігіне қол жеткіздік», – деді доктор Исабель Киурога, жатыр трансплантациясының донорлық бағдарламасының жетекшісі. Бұл операцияны қаржыландырған Womb Transplant UK қайырымдылық ұйымының мүшесі.
Аурухананың хабарлауынша, бұл баланың дүниеге келуі жатыр трансплантациясы саласында 25 жылдан астам уақыт бойы жүргізілген зерттеулердің нәтижесі.
Дүние жүзінде 100-ден астам жатыр трансплантациясы жасалған және 50-ден астам әйел ана атанған. Алғашқы бала Швецияда 2014 жылы дүниеге келген болатын. Бұл процедура көптеген әйелдерге, егер оларда жатыр болмаса – немесе сирек кездесетін ауруларға байланысты, немесе қатерлі ісік емдеуі барысында жатырлары алынған болса, өз балаларын дүниеге әкелуге мүмкіндік береді. Осылайша, әйелдер суррогат ана немесе асырап алу әдісіне жүгінбей-ақ бала сүйе алады.
turkystan.kz
