Адамның көңіл-күйін, жасын және жынысын, мінезін, сондай-ақ ойлау ерекшеліктерін жазған жазуына қарап анықтауға болатынын білесіз бе?
Психологтар адамның болмысын жазуына қарап білуге болады деген ұстанымда.
Майда жазумен жазатындар – сабырлы, пихологиялық және эмоционалды тепе-теңдікті ұстанатын адам.
Орташа жазумен жазатындар – мұндай адамдар өте сезімтал келеді. Бәрін жүрекке тым жақын қабылдайтын жандар.
Үлкен жазумен жазатындар – жомарт, қолы да, көңілі де ашық тұлғалар.
Әріптерінің ара-қашықтығы
- әріптерді бір-бірінен алыс жазатын адамдар – қолда барын өзгеден аямайтын, ысырапшыл болады.
- әріптерді бір-біріне тығыз жазатын адамдар – үнемшіл, сараң, тұйық болып келеді.
Қолтаңбаның қағаз бетінде орналасуы
- Әріптерді оң жаққа еңкейтіп жазатындардың мінездері тұрақты болып келеді.
- Ал әріптерді сол жаққа еңкейтіп жазатындар қоғамдағы пікірлермен келісе бермейтін, жеке көзқарасы бар деп білуге болады.
- Әріптер тік орналасса – ұстамдылық пен қайтпас қайсарлықтың белгісі.
Қолтаңбаның бағыты
- Жолдан жоғары шығарып жазатындар – оптимист жандар. Олар досқа адал, кез келген ортаға тез бейімделгіш келеді.
- Жолдан төмен түсіріп жазатындар – пессимист адамдар.
- Біркелкі жазатындар– тұрақты мінездың иелері.
Десе де бір адамның екі күнде жазған жазбасынан айырмашылық байқауға болады. Себебі бұл адамның көңіл-күйіне де байланысты дейді психологтар.
