Бүгін, 16 мамырдан бастап Қазақстанда 4 пайызбен жеңілдетілген автонесие бағдарламасы іске қосылды. Бағдарламаның басталған алғашқы күнінен бастап Нұр-Сұлтандағы көлік салондарының алдына кезек толып, дүрлігу басталып кетті, деп хабарлайды Stan.kz ақпарат агенттігі Atameken Business арнасына сілтеме жасап.
«Нұр-Сұлтандағы көлік салондарында не болып жатқанын қараңыз. Адамдар көшеде кезекте тұр, ал ішке 10 адамнан артық кіргізіп жатқан жоқ», – деп жазады Telegram-арнасында.
Арнаның мәліметінше, автосалондарда көлік жоқ. Мәселен, Hyundai автосалондары жаңа көліктердің 3-4 айдан кейін келетінін айтқан. Банктердің несие алу үшін көмектесетін менеджерлері жоқ. Сатып алушыларға жаңа көліктер каталогын ғана көрсетіп жатыр. Алайда ол көліктер болашақта өз бағасын сақтап қалады ма деген сұраққа да ешкім нақты жауап бере алмайды.
https://stan.kz/zhenildetilgen-kolik-nesiesi-avtosalondarda-kolik-zhok-364466/
