instagram.com/zhenisiskakova
Танымал әнші Жеңіс Ысқақова соңғы уақытта «Ой сен кемпір әлі жүрсің бе?», «Сендердің әндеріңді біреу тыңдай ма?» деген сынды жағымсыз пікірлерді жиі еститін болған. Әнші өзін кемсіткен желі қолданушыларын «топас» деп атады.
Экспресс К тілшісіне берген сұхбатында көңіліне тиетін сөздерді әншіге Instagram, Facebook желі қолданушылары жазады.
«Қазір түсініксіз жағдай болып кетті ғой. Мен үнемі әдемі көйлек киіп сахнаға шығып бара жатқан сәтімді видеоға түсіріп алып, оны әлеуметтік желіге жүктеп жүремін. Жақында дәл сондай бейнежазбаны жариялап едім, желі қолданушылары кемсітетін сөздер жаза бастады. «Ой сен кемпір әлі жүрсің бе?, «Сендердің әндеріңді біреу тыңдай ма?» деген сияқты әңгімелерді айтады. Топастармен топас болғым келмейді. Олардың деңгейіне түскім келмейді. Оқырмандардың барлығын «топас» деп айтудан аулақпын. Дегенмен, арасында әдейі сондай пікір жазатындар бар», — дейді Жеңіс Ысқақова.
Экспресс К бұған дейін Ысқақованың қазақ әйелдерінің рухын көтеретін ән шығарғанын жазған еді. Ән «Мықты әйел» деп аталады. Өнер иесі туындыны басына қанша қиындық түссе де мойымайтын мықты әйелге арнаған.
