Жедел жәрдем қызметі — бақылауда

Жамбыл облыстық әкімдігі денсаулық сақтау басқармасы хабарлайды:
Жамбыл облыстық жедел медициналық жәрдем өз құрамында орталық станция және қалалық әрі аудандық бөлімшелерді біріктіреді. Станса құрылымына қосымша Тараз қаласындағы 3 қосалқы бөлімше (№1 «Барс», №2 «Бәйтерек», №3 «Бүркіт») және 11 аудандық бөлімше кіреді.
Станса жұмысы ТМККК (тегін медициналық көмектің кепілдендірілген көлемі) шеңберінде қаржыландырылады.
Қызметкерлердің еңбекақысы ҚР Үкіметінің 2015 жылғы 31 желтоқсандағы №1193 қаулысына сәйкес төленеді. Фельдшерлердің орташа айлық жалақысы 190–240 мың теңге. Еңбекақы мөлшері жұмыс сағатына, еңбек өтіліне және біліктілік санатына байланысты есептеледі. 2026 жылы жедел жәрдем қызметкерлерінің жалақысын арттыру үшін Үкімет тарапынан қосымша 5 млрд теңге бөлу жоспарлануда.
2024 жылы мерекелік күндерге орай қызметкерлерге қосымша сыйақылар төленді:
Жыл соңында үнемделген бюджет қаражаты есебінен қосымша сыйақы беру жоспарланып отыр.
Төле Би ауылындағы бөлімше қазіргі уақытта Шу аудандық ЖИТС бөлімінің ғимаратында орналасқан. 2026 жылдың басында жөндеу жұмыстары толық аяқталғаннан кейін жаңа ғимаратқа көшіру жоспарлануда.
Жедел жәрдем автопаркін жаңарту
Санитарлық автокөліктерді кезең-кезеңімен жаңарту жоспары:
2026 жылы – лизинг арқылы 60 бірлік санитарлық автокөлік;
2027 жылы – 64 бірлік;
2029 жылы – 11 бірлік автокөлікпен толықтыру жоспарлануда.
Жалпы, бұл мәселе басқарма басшысының тұрақты бақылауында.

Жамбыл облысы әкімдігінің денсаулық сақтау басқармасы