Синоптиктер Қазақстанның бірқатар аймақтарында тұрақсыз ауа райы болатынын ескертті, деп хабарлайды Stan.kz ақпарат агенттігі «Қазгидромет» РМК баспасөз қызметіне сілтеме жасап.
Ақмола облысының солтүстік-батысында күндіз солтүстік-шығыстан 15-20 м/с жылдамдықта жел соғады. Атырау облысының батысында, орталығында және шығысында найзағай күтіледі. Солтүстік-шығыстан соғатын желдің екпіні 15-20 м/с-ке жетеді.
Атырау қаласында күндіз найзаға ойнап, солтүстік-шығыстан жел соғады, күндіз екпіні 15-18 м/с-ке жетеді. Орталықта, Шығыс Қазақстан облысының шығысында, оңтүстігінде оңтүстік-шығыстан 15-20, екпіні 23 м/с-ке жететін жел соғады.
Батыс Қазақстан облысының оңтүстігінде, оңтүстік-шығысында, орталық бөлігінде, Қарағанды облысының шығысында, Қостанай облысының батысында, солтүстігінде найзағай күтіледі. Солтүстік-шығыстан соғатын желдің жылдамдығы облыстың солтүстігінде, шығысында 15-20 м/с-ке жетеді.
Қостанай қаласында солтүстік-шығыстан соққан желдің екпіні 15-20 м/с деп күтіледі. Күндіз Маңғыстау облысының шығысында найзағай ойнайды. Оңтүстік-шығыстан соғатын жел солтүстік-батысқа ауысады, күндіз облыстың солтүстігінде, шығысында екпіні 15-20 м/с-ке жетеді.
Солтүстік Қазақстан облысының солтүстік-шығысында солтүстіктен жел соғады, солтүстік-шығыстан екпіні 15-20 м/с күтіледі. Петропавл қаласында солтүстік-шығыстан соғатын желдің екпіні 15-20 м/с деп күтіледі.
Түркістан облысының таулы аймақтарында найзағай ойнайды. Оңтүстік-батыстан соғатын желдің екпіні 15-20 м/с-ке жетеді.
https://stan.kz/kazakstannin-togiz-oblisinda-dauildi-eskertu-zhariyalan-363839/
