1986 жылғы желтоқсан көтерілісіне қатысушылар 2022 жылғы қаңтардағы бейбіт митингіге шыққандарды қолдау мақсатында үндеу жасады, деп хабарлайды Stan.kz ақпарат агенттігі.
Желтоқасаншылар 35 жыл бұрын әділетсіз билікке қарсы наразылыққа шыққандарын және салдарынан көптеген негізсіз жауапқа тартылғандарын айтты. Бұзақылар деп айыптап, атып, 10-15 жылға қамауға отырғызғандықтарын жеткізді.
Қаңтар оқиғасына байланысты олар кінәсіз қазақтардың түрмеде отырғанын айтты.
“Жазықсыз жандарды түрмеде азаптап, жасамағандарын жасады деп кінә тағуда. Бұл жағдай бүкіл әлемді алаңдатқаны жасырын емес. Құзырлы органдар қызметтерін пайдаланып, жаралылардың өзін ауруханада жатқан жерінен алып кеткен. Оларға 1986-жылғы қуғын-сүргін кезінен 100 есе асып түсетіндей күш көрсету адамгершілікке жатпайды. Халық үшін, ел үшін бейбіт шеруге шыққандар террорист емес. Барлық жазықсыз жандарды босатыңыздар”, – деді желтоқсаншылар.
