Жыл сайын, жем-шөп жинау маусымында өрттердің пайда болуы ықтималы жоғарылайды. Сондықтан, аудан тұрғындарынан өрт қауіпсіздік ережелерін қатаң сақтауын сұраймыз.
Өрт қауіпсіздігі саласындағы заңнама талаптарына сәйкес, тұрғын үйлердің қожалық учаскілерінде ірі жем-шөптер ғимараттарға және аула алдындағы құрылыстарға дейін кемінде 15 метр қашықтықта жиналуы тиіс.
Көрсетілген қашықтықта ірі жем-шөптерді жинау мүмкін болмаған кезде, жинау орнын кемінде 500 литр суы бар қосымша ыдыспен қамтамасыз еткен жағдайда қашықтық 5 метрге дейін қысқартылады. Қоралар мен басқа да шаруашылық құрылыстардың шатырларына; электр жеткізу желілерінің астына; учаскенің сыртқы қоршауынан кемінде 3 метр қашықтықта ірі жем-шөп маяларын, өзге де жаңғыш заттармен материалдарды жинауға жол берілмейді.
Өрт қауіпсіздік талаптары бұзылған құрылыстардың маңында, соның ішінде жеке меншік үйлердің аумағында жем-шөп сақтау жағымсыз салдарға әпкеп соғуы мүмкін. Отқа, сіріңкеге, темекі қалдықтарына немқұрайлы қарауға болмайды. Сондықтан, кішкентай балаларыңызды қараусыз қалдырмаңыздар және оларға сіріңке жағу, газ плиталарын, электр жүйелерін қосуды тапсырмаңыздар. Егер де, қандай да бір түтін, өрт, жалын байқасаңыз, сол сәтте “101” немесе “112” телефон нөмерлеріне хабарласыңыздар.
