27 шілде — 3 тамыз аралығында Талдықорған қаласында IV Ауыл жасөспірімдерінің жазғы республикалық ойындары өз мәресіне жетті.
Бұл жуырда құрылған Жетісу облысында өтетін алғашқы ірі спорттық шара. Биыл ауылдан шыққан жастар 3 шілдеге дейін 12 спорт түрінен (шағын футбол, волейбол, баскетбол (3*3), көгалдағы хоккей, қазақ күресі, асық ату, тоғызқұмалақ, армрестлинг, грек-рим күресі, дзюдо, еркін күрес пен үстел теннисі) өзара кім мықтыны анықтайды.
Төрт жылда бір өтетін дәстүрлі жарысқа тек облыстар ғана команда қосады. Жетісуға 14 өңірдің ауылдарынан келген 3000-ға жуық жас спортшы жиналды. Жамбыл облысынан барлығы 130 спортшы аса қатысты.
Жазғы ойындардың мақсаты – ауылдарда бұқаралық спортты дамыту, өңірлердегі дарынды спортшылардың көзге түсуіне жағдай жасау, ел Президенті Қ.Тоқаевтың халық арасында салауатты өмір салты мен бұқаралық спортты дамыту туралы Жолдауын іске асыру болып табылады.
Жамбыл облысының құрама командасына да өнер көрсеткен Қордайлықтарда қапы қалмады.
Еркін күрестен жүлделі үшінші орын алған №5 Балалар мен жасөспірімдер шығармашылық орталығының еркін күрес үйірмесінің оқушысы Рзаев Исмаил 51 кг салмақ дәрежесінде.
Бапкері: Избасаров Мұхтар
Тоғызқұмалақтан жүлделі үшінші орын алған №19 БЖСМ-ның спортшысы Жарылғас Азихан.
Бапкері: Шарап Мади
Аталған спортшыларға алдағы уақыттарда өтетін жарыстарға сәттілік тілейміз.
