27 мамыр күні кешке Жетісу облысында жер сілкінісі болды, деп хабарлайды Anyqtime.kz тілшісі Tengrinews.kz сайтына сілтеме жасап.
Төтенше жағдайлар министрлігінің мәліметінше, жер асты дүмпуі Астана уақытымен 19:51-де тіркелген. Сілкініс Жетісу облысы аумағында орын алып, Капал-Арасан шипажайында 2 баллдық тербеліс сезілген.
«Қаза тапқандар мен қираулар туралы мәлімет жоқ», — деп хабарлады министрлік өкілдері.
Айта кетейік, бұл соңғы күндері тіркелген алғашқы сілкініс емес. Бұған дейін, 25 мамырда Жамбыл облысында да жер сілкінісі болған. Эпицентрі Тәжікстан аумағында болған дүмпу Құланда — 3, Меркіде — 2 балл болып сезілген.
Сол күні Шығыс Қазақстанда да сілкініс тіркелген, ал 23 мамырда «Шерзат ісі» бойынша өтіп жатқан сот процесі кезінде жер дірілі тікелей эфирде байқалған еді.
https://anyqtime.kz/article/231-zetisuda-zer-silkinisi-tirkeldi?fbclid=IwY2xjawKi0p9leHRuA2FlbQIxMQBicmlkETFDUFlqRGVVem02eGlGUThZAR5cbel78VA_h8Sg4ZkvFnMft-vQLOUFgOlWlmMSHklx1zgG0kVwLwMM02SmZg_aem_OL6QFHOLbEtosDdJ62h2SA
kt.kz
