Жақын қарым-қатынас кезінде жезөкшені тұншықтырып өлтірген 19 жастағы Теміртау тұрғыны 19 жылға бас бостандығынан айырылды. Оның ісі қайта қаралды, — деп хабарлайды Шаңырақ инфо Tengrinews.kz. сайтына сілтеме жасап
Қарағанды облысы Қылмыстық істер жөніндегі мамандандырылған ауданаралық сотында жақын қарым-қатынас кезінде жезөкшені өлтіріп, одан ақша мен алтынын ұрлап кеткен 19 жастағы Теміртау тұрғынына қатысты қылмыстық іс қайта қаралды. Сот талқылауына алқабилер қатысты. Олар оған айыптау үкімін шығарды.
Сотта айыпталушы жәбірленушіні пайдакүнемдік мақсатта өлтіріп, кейін берген ақшасын, ұялы телефоны мен алтын бұйымдарын ұрлағаны анықталды.
«Сотталушы алқабилер үкімімен «пайдакүнемдік ниетпен кісі өлтіргені» және «ұрлық» жасағаны үшін кінәлі деп танылды (ҚК-нің 99-бабы 2-бөлігі 8-тармағы, 188 бабы 1-бөлігі). Оған ең жоғары қауіпсіздік қылмыстық-атқару жүйесі мекемесінде жазасын өтеу және 19 жыл бас бостандығынан айыру жазасы тағайындалды. Жәбірленуші тарап пайдасына моральдық зиян келтіргені үшін 10 миллион теңге өндірілді. Үкім заңды күшіне енген жоқ», — деп хабарлады Қарағанды облыстық сот баспасөз қызметі өкілдері.
Айта кетейік, сотталған адамға қатысты қылмыстық іс өткен жылы Қарағанды облысының Қылмыстық істер жөніндегі мамандандырылған ауданаралық сотында қаралған.
Ол кезде алқабилер соты айыпталушы жәбірленушіні абайсызда өлтірген деген болжамға келген. Нәтижесінде оған 1,6 жылға бас бостандығынан айыру жазасы кесілді. Алайда 2021 жылдың қаңтарында прокуратура бірінші үкімге шағымданып, Қарағанды облыстық соты қылмыстық істі жаңа қаралымға жіберді. Бұрынғы үкім күшін жойды
