Жол сапасын жақсарту – бүгінгі күннің талабы. Ол үшін соңғы жылдары жолға және жол құрылыстарына қатысты нормативтік құжаттар даярланған. Ал бұл құжаттардың іс жүзінде жүзеге асуына «Жол активтері сапасы ұлттық орталығының» қызметкерлері тікелей ықпал етеді. Нақтылай түссек, білікті мамандар жолдың сапасын қадағалап, қолданылатын материалдарға сараптама жүргізеді. Бұдан бөлек, анықталған ақаулар жөнінде хаттама толтырып, тапсырыс беруші мен мердігерге хабарлайды.
— Жыл басынан бері республикалық маңызы бар жолдарда 35 рет инспекциялық шығу жұмыстары жүргізілді. Нәтижесінде, 47 дана жол-құрылыс материалдарынан сынама алынып, 17 ақау анықталды. Бүгінгі таңда бұл кемшіліктер жөнінде тиісті мекемеге хабарлама беріліп, оны жою жұмыстары жүргізілуде, — дейді инженер Тойшыбай Әлиахметов.
