Мемлекет басшысының өкімімен Азамат Сағатұлы Жолманов Қазақстан Республикасының Мемлекеттік қызмет істері агенттігі төрағасының орынбасары болып тағайындалды. Бұл туралы Ақорда хабарлады.
Білімі жоғары. «Халықаралық қатынастар» мамандығы бойынша Еуразия ұлттық университетін, сонымен қатар Президент жанындағы Мемлекеттік басқару академиясының магистратурасын бітірген.
Мемлекеттік басқару саласында 10 жылдам астам еңбек өтілі бар.
Еңбек жолын Ауыл шаруашылығы министрлігі Сыртқы байланыстар және инвестициялар департаментінің сарапшысы лауазымынан бастаған.
Қазақстан Республикасы Президенті жанындағы Мемлекеттік басқару академиясының Ғылыми-зерттеу институтында ғылыми қызметкер, сектор меңгерушісі, директордың орынбасары, Мемлекеттік қызметкерлерді кәсіби дамыту институты директорының орынбасары, Қарағанды облыстық филиалының директоры қызметтерін атқарған.
https://aikyn.kz/182779/zholmanov-zhana-kyzmetke-tagayyndaldy/
