Облыс орталығы Тараз қаласы — киелі Әулиеата өңірінің айнасы. Қала қонақтары шаһар келбетіне қарап, облысымызға да баға береді. Сол себепті оның тазалығын сақтау аса маңызды.
Бұл ретте, қала көшелерінде, аялдамаларда орнатылған жарнама тақтайшаларының бүгінгі келбеті қала сәнін қашырып тұрғанын мойындау қажет. Осыған орай, көктемгі санитарлық тазалық кезінде қала көшелерінде жарнама жапсырылған тақташалар алынып тасталуда. Жапсырылған хабарландырулардан тазартылып, темір аялдамалардың бояулары күйдіріліп, қайта сырлануда.
