Журналистер құрмет құшағында

Бұқаралық ақпарат құралдары қызметкерлерінің күніне орай, аудан әкімі Баубеков Жорабек Нұрмергенұлы «Меркі тынысы» және «Меркі ақиқат» газеттерінің ұжымын қабылдап, кәсіби мерекемен құттықтады. ⠀
Жорабек Нұрмергенұлы ауданымыздың әлеуметтік-экономикалық дамуына, сондай-ақ, мемлекеттік саясатты насихаттауға ақпараттық қолдау білдіріп келе жатқан қос газет ұжымынының еңбегін ерекше атап өтті. ⠀
– Қоғамдық пікірді, саясатты, экономиканы қалыптастыруда және тұтастай алғанда перспективалық дамудың стратегиялық бағыттарын анықтауда БАҚ-тың әсер-ықпалын бағаламау мүмкін емес. Қазіргі уақытта бұқаралық ақпарат құралдары көп қырлылығы билік пен жұртшылық арасындағы тиімді байланысты жүйелеуге, адамдардың нақты проблемаларын шешуге мүмкіндік беретін әртүрлі ойлар мен көзқарастарды көрсететін өзіндік пікірталас алаңына айналды. Бұл ретте журналистің адал, шынайы және сергек ұстанымы маңызды.⠀
Қай кезеңде де қалам мен сөздің қалаулы шеберлері жоғары кәсіби деңгейімен және айқын азаматтық көзқарасымен ерекешеленеді.⠀
Сіздердің кәсіби қызметтеріңіз алдағы уақытта да ауданның оң келбетін қалыптастыруға, оның әлеуметтік-экономикалық дамуын көрсетуге, қоғамдағы келісім мен топтасқандықты нығайтуға бағытталатындығына сенемін, – деді аудан әкімі. ⠀
Одан кейін аудан әкімі бірқатар журналистерді марапаттады. Атап айтсақ, «Меркі тынысы» газетінің тілшісі Ольга Акинина мен баспасөз хатшысы Ләззат Серікбайға облыс әкімінің Құрмет грамотасын табыстады. Сондай-ақ, «Меркі тынысы» газетінің бөлім меңгерушісі Әлихан Нұралиевті Құрмет грамотасымен, осы газеттің жауапты хатшысын Алғыс хатпен марапаттады. ⠀
Сонымен қатар ардагер журналистер Бектұрған Жамбабаев, Уәли Қырғызбаев және Әтіркүл Исаеваға құрмет көрсетіп, Алғыс хаттармен марапаттады. ⠀
Жиында қос газеттің редакторы Серік Құралбай мен Қазыбек Камал, сондай-ақ, ардагер журналистер Бектұрған Жамбабаев пен Әтіркүл Исаева аудан әкіміне алғыс айтты. Сонымен қатар газеттің жұмысына қатысты мәселелерді көтеріп, бірқатар ұсыныстарын жеткізді.