Бүгін аудан орталығынан шалғайда орналасқан Ақсу және Көкқайнар ауылдық округтерінде болып, бірқатар әлеуметтік нысандардың жұмысымен таныстым.
Дәлірек айтсам, Ақсу ауылдық округіне қарасты Оразалы батыр ауылындағы дәрігерлік амбулаторияның күрделі жөндеу жұмыстарын көзбен көрдім. Бүгінде ауылдықтардың сұрауы орындалып, медициналық нысан қайта қалпына келтірілуде. Сондай-ақ Оразалы мен Ақсу ауылындағы білім ошақтарының жылыту маусымына дайындығы мен сайлау учаскелерінің науқан алдындағы дайындығын да қарап шықтым.
Қордай ауданымен шекаралас жатқан Көкқайнар ауылындағы білім нысанын да аралап, мұндағы әзірлік жұмыстарын байқадым. Сонымен бірге, аталған ауылдағы ауыз су құбырын жүргізу жұмыстарын көріп, жауапты мамандарға жұмыстың сапалы әрі уақтылы орындалуын тапсырдым.
Бұдан бөлек, ауданымызда ірі көлемде қант қызылшасын өсірумен айналысатын “Қызылша” ЖШС-не ат басын бұрып, алқаптағы жұмыстарды көрдік. Науқандық жұмыстың бел ортасында жүрген шаруалар мен серіктестік басшылығы биылғы өнім көлемі жоспарға сай орындалып жатқанын жеткізді.
Сәкен Арубаев, Шу ауданының әкімі
