Ильхам Әлиев халықаралық әуежайда сұхбат берген кезде Қазақстанды атап өтті.

«Біріншіден, мен президент Тоқаевқа телефон соғып, ризашылығымды білдірдім. Оқиға орын алған бойда қазақстандық құтқарушылар оқиға орнына дереу жетіп, адамдарды шығаруға кірісті. Олар не боларын білмей, өз өмірлерін қатерге тікті. Тағы бір жарылыс болды ма, жоқ па, соған қарамастан көмектесті. Олар бұл тұрғыда нағыз ерлік көрсетті», – деді Әлиев.

Ол қазақстандық дәрігерлердің еңбегін, сондай-ақ бүкіл ел азаматтарының қайғылы оқиғаға деген көзқарасын атап өтті.

«Қазақ бауырларымыздың ынтымақ-бірлігінің көрінісі әзірбайжан халқының жүрегінде үлкен із қалдырды. Қарапайым азаматтар Ақтаудағы консулдығымызға келіп гүл шоқтарын қойып, өз сезімдері мен ынтымақтастығын білдірді. Міне, нағыз достық пен бауырластық», – деді Әзірбайжан президенті.

Әлиев Тоқаевпен қайғылы оқиғаны тергеуге қатысты мәселелерді талқылағанын айтты.

«Тоқаевқа қайғылы оқиға салдарынан Қазақстанның алты азаматы қаза тапқанына байланысты көңіл айттым. Ол да маған көңіл айтты. Осы қайғылы оқиғаға қарамастан, Қазақстанмен достығымыз бен бауырластығымыз одан әрі нығая түсті — деді Әлиев.

Бұған дейін Әзірбайжан президенті Ресейге үш талап қойған еді.