Бүгін Тараз қаласы әкімі аппаратының персоналды басқару қызметінің (кадр қызметінің) басшысы, Әдеп жөніндегі уәкілі Едельбаев Мақсат Іңкәрұлының ұйымдастыруымен, қала әкімдігінің бөлім басшылары, Жібек жолы ауданы әкімінің аппарат басшысы, Әулиеата ауданы әкімі аппаратының персоналды басқару (кадр қызметі) міндетемелері жүктелген қызметкерлерінің қатысуымен кеңес өткізілді.
Кеңес барысында арнайы шақырылған Қазақстан Республикасының Мемлекеттік қызмет істері агенттігінің Жамбыл облысы бойынша департаментінің мемлекеттік қызмет саласындағы бақылау басқармасының өкілдері Джузбаева Сандуғаш Төлегенқызы, Тамаев Жарқын Маратханұлы жалпы қызметтік Әдеп нормаларын бұзушылықтарды алдын алудың және тәртіптік шараларды қолданудың кейбір мәселелері туралы түсіндіріліп, талқыланды.
Осы кеңестің соңында қала әкімі аппаратының Әдеп жөніндегі уәкілі Едельбаев Мақсат Іңкәрұлы, бөлім басшыларына автокөлік жүргізушілеріне мемлекеттiк меншiктiң сақталуын қамтамасыз ету және өздеріне сеніп тапсырылған мемлекеттiк меншiктi қызметтiк мақсаттарда ғана пайдалануға міндетті екендігін атап өтті.
Бұл ретте, қызметтік автокөліктердің нысаналы мақсатта ғана пайдаланып, жұмыстан тыс уақытта пайдаланбауға, айыппұл салуға әкеп соғатын әкімшілік құқық бұзушылықтарды болдырмауларын, бұл автокөліктердің жүруін заңды түрде рәсімдеп, жол жүру қағидаларын жүйелі түрде сақтау, әр бөлім басшысының жеке бақылауында, болуға тиіс екендігін жеткізді.
Мемлекеттік қызметті атқару барысында биік жауапкершілікті сезіне отырып Елдің Конституциясы мен Заңдарының талаптары аясында адал да білікті қызмет етуге, Әдеп кодексінің талаптарының бұзылуына жол бермеу шараларын қабылдауларын сұрады.
