Тарихқа толы Талас өңірі талай әулиелер шыққан қастерлі мекен. Мұнда келген жұрт «Тамды әулие» бұлағына соқпай қайтпайды. Ел арасында Тамдыбұлақ туралы мынадай өлең қалған:
Бұл өзі әулиелі Тамдыбұлақ,
Жағасында жайқалған балды құрақ.
Бір келген адам мұнда қайта келер,
Қалады бір көргенге мәңгі ұнап.
Жақында Талас ауданында өткен «Қызғалдақ мирасы — 2025» фестиваліне ауданымыздан делегаттар қатысқан болатын. Шара соңында делегаттар «Тамды әулие» бұлағына соғып, зиярат етті.
Келушілер қасиет тұнған бұлақтың суын ішіп, ата — баба рухына тағзым жасады.![]()
Сондай — ақ, Қаратау қаласы маңындағы петроглифтерді, «Тамды қалашығын» аралап, көне орынның тарихымен танысты.