istockphoto.com
Қаңтар-тамызда елімізде көрсетілген пошта және курьерлік қызметтердің көлемі – 57,2 млрд теңге, 2025 жылдың сәйкес кезеңімен салыстырғанда 1,1 пайызға өсті. Оның ішінде 13,4 млрд теңге халыққа көрсетілген қызметтерге тиесілі, деп хабарлайды turkystan.kz.
Өңірлер бөлінісінде пошта және курьерлік қызметтер көлемінің ең жоғары үлесі Алматы қаласына – 58,7%, Астана қаласына – 13,2% және Қарағанды облысына – 3,2% тиесілі.
Ауылдық жерлерде есепті мерзімде көрсетілген қызметтердің көлемі – 2,0 млрд теңге.
Пошта және курьерлік қызметтердің ең жоғары көлемі Алматы қаласында тіркелді – 33,6 млрд теңге. Одан кейін Астана қаласы – 7,6 млрд теңге және Қарағанды облысы – 1,8 млрд теңге.
Пошта және курьерлік қызметтердің негізгі түрлеріне пошта және арнайы жөнелтілімдерді, оның ішінде сәлемдемелерді, бандерольдерді және хат-хабарларды қабылдау, өңдеу, тасымалдау және жеткізу, сондай-ақ курьерлік жеткізу қызметтері жатады.
Толық нұсқасына гиперсілтеме беруді ұмытпаңыз: https://turkystan.kz/article/289117-posta-zane-kurerlik-qyzmetterdin-en-zogary-kolemi-almatyda-tirkeldi
