1 қазан – Халықаралық қарттар күніне орай Жамбыл облысы бойынша ҚАЖ департаментінің №67 мекемесінде мекемеде ұзақ жылдар бойы қызмет атқарған ардагер Ниязбекова Қарлығаш Елеусиновнаны мерекесімен құттықтау ұйымдастырылды.
Іс-шара барысында мекеме бастығының тәрбие жұмысы жөніндегі орынбасары Садуанов Еркебулан Бақытжанович ардагерге мекеме ұжымы атынан құттықтау сөз сөйлеп, зор денсаулық, ұзақ ғұмыр, отбасылық амандық, бақ-береке және көтеріңкі көңіл-күй тіледі. Сонымен қатар, Ниязбекова Қарлығаш Елеусиновнаның №67 мекемесінде атқарған көп жылғы еңбегі атап өтіліп, қызметтік жолына алғыс білдірілді.
Кездесу барысында ардагерлерге деген құрмет, олардың жас ұрпаққа берер өнегесі мен өмірлік тәжірибесінің маңыздылығы айтылды.
