Жамбыл облысы бойынша ҚАЖ департаментіне қарасты №25 мекемесінде жазасын өтеп жатқан сотталған азаматтар арасында 1 қазан – Халықаралық қарттар күніне орай арнайы іс-шара ұйымдастырылды.
Іс-шара барысында сотталған азаматтарға отбасындағы қарт ата-әжелерімен Skype байланысы арқылы жүздесіп, оларды мерекемен құттықтауға мүмкіндік берілді. Сотталғандар өздерінің жылы лебіздерін білдіріп, ақ баталарын алып, жақындарына деген сағыныштарын жеткізді.
Мұндай кездесулер сотталған азаматтардың отбасылық байланыстарын сақтауға, үлкенге деген құрметін арттыруға және олардың эмоционалдық жағдайын тұрақтандыруға оң ықпал етеді.
«Қарты бар үйдің – қазынасы бар» дегендей, аға буынға құрмет көрсету – ұрпақ тәрбиесінің маңызды негізі. Мейірім мен ізгілікке бағытталған осындай шаралар алдағы уақытта да жалғасын табады.
Жамбыл облысы бойынша ҚАЖ департаментіне қарасты №25 мекемесінің САТжӘПБ тәрбие бөлімі
